sisteret sisteret chuvarloo

19May10

Naramdaman ko ang feeling na ‘to nung frade 3 ako. Imbes na nakikipaglaro ako tuwing recess ng bang-sak sa mga klasmeyt kong lalaki e nandun ako sa loob ng klasrum tinetirentas yong buhok ng klasmeyt kong babae, enjoy na enjoy sa pakikipagkwentuhan kung anong update sa Mara Clara kagabi. Imbis na chichirya ang tawag ko sa kinakain ko e chizcurlz ang mas pinili ko. Ewan ko ba. Pag tinutukso akong bakla e hinahampas ko sila ng payong kong hello kitty.

Mabuti na lang at palaging to the rescue si aaron brylle pag binubully ako ng mga kaklase ko, seatmate ko sya at mega kilig ako pag pinagtatanggol nya ako. Minsan nagsi-share kami sa baon nyang hotdog at sandwich, sagot ko naman ang palamig na minsan may kasamang hibla ng buhok. Kung hindi lang sya talaga pandak at maitim, e nahulog na ang multitasking kong heart sa kanya.

During the class, gusto ko ako unang tinatawag ni teacher delia, gusto ko kasi ipakita sa mga umaapi sa akin na may utak ako di gaya nilang utak pugita at katawang dikya. Pagkatapos kong masabi ang tamang sagot oozing with confidence at nakataas pa talaga ang noo saka naman ako titingin sa katabi kong si aaron at pareho kaming ngingiti. Talbog lahat sila.

Di ko pa alam nun kung ano at para saan ang salitang bakla. Di ko din alam nun na ganito pala ang feeling ng pagiging bakla. Susmaryosep kung alam ko lang e di sana di na ako mega deny pa. Enjoy pala.

Paborito ko rin noon ang mga kanta ng spice girls. Sa aming magkakaklase ako lang ang merong walkman, imagine sa edad na 9 e meron na akong walkman, at lahat ng cassette tapes ko e mga spice girls at ilang dance hip hop. Taray di ba?

Isang linggo bago magclosing exercise nang tanungin ako ni Aaron… “bakla ka ba?” nagulat ako sa tanong nya pero sumagot ako… “hindi ah”. “Mabuti naman, basta prends poreber tayo ha” sabay halik sa aking pisngi. *taas kilay*

Filed under: Uncategorized   |  2 Comments